Тукай туган көндә Татарстанда яшен яшьнәп, боз явачак

26 апрельдә Татарстан җирлегендә болытлы көн көтелә. Төнлә һәм көндез урыны белән яңгыр явып үтәчәк. Республика буенча яшен яшьнәү һәм боз яву ихтимал.

Татарстанның гидрометеорология идарәсе синоптиклары алдагы төндә Республикада һава температурасы +8..+13 градуска кадәр җитәчәк дип фаразлый. Көндез һаваның максималь температурасы +17..+22 градус тәшкил итәчәк.

Казанда төнлә +8..+13 градус булачак. Көндез Республика башкаласында һава +17..+19 градуска кадәр җылыначак.

Фото: chudo-prirody.com