Яшел Үзән сәүдә үзәкләренең берсендә эшчене лифт кысып үтергән

Яшел Үзән сәүдә үзәкләренең берсендә 39 яшьлек эшчене йөк лифты кысып үтергән. Ир-ат әлеге бинада ремонт эшләрен башкарган була. Моның турыда Тикшерү комитетының Татарстандагы идарәсенең матбугат хезмәте хәбәр итте.

Ир-ат әлеге сәүдә үзәгендә лифт төзекләндерә торган субподряд оешмада эшләгән. Ремонт барышында аның өстенә лифтның платформасы төшә һәм эшчене кысып үтерә.

Әлеге фаҗигале хәл буенча җинаять эше ачылган, аның килеп чыгу сәбәпләрен ачыклыйлар.

Фото: ТНВ