Май аенда Татарстанның почта бүлекләре үзгәртелгән режимда эшләячәк

Май бәйрәмнәрендә Татарстанда почта бүлекләренең эш тәртибе үзгәрәчәк. Бу хакта Казан мэриясенең матбугат үзәге кисәтте.

Республикада 1 һәм 9 майда почта бүлкләре эшләмиячәк. Бу көннәрдә өйгә хатлар һәм газета-журналлар да китертелмиячәк. Пенсия һәм пособиеләр Татарстандагы Социаль фонд бүлеге раслаган вакытта киләчәк.

2-7 майда почта бүлекләре гадәттәге режимда эшлиячәк. Ә менә 8 майда “Почта России” бүлекчәләрендә халыкны якшәмбе графигы буенча кабул итәчәкләр.

Күптән түгел татарстанлыларга ике кыскартылган эш атнасы турында искә төшергәннәр иде.

Фото: kzn.ru