28 апрель Татарстанда һава торышы +25 градуска җитәчәк

28 апрельдә Татарстан җирлегендә болытлы көн көтелә. Иртән һәм төнлә урыны белән томан хасил булачак.

Татарстанның гидрометеорология идарәсе синоптиклары алдагы төндә Республикада һава температурасы +5..+10 градуска кадәр җитәчәк дип фаразлый. Көндез һаваның максималь температурасы +20..+25 градус тәшкил итәчәк.

Казанда төнлә +7..+10 градус булачак. Көндез Республика башкаласында һава +20..+23 градуска кадәр җылыначак.

Фото: chudo-prirody.com