Татарстанда хәрби операциядә һәлак булган журналист Александр Комаров белән хушлаштылар

Бүген Түбән Камада Украинадагы махсус хәрби операциядә һәлак булган журналист Александр Комаровны соңга юлга озаттылар. Моны ТНВ хәбәрчеләре сөйләде.

Исегезгә төшерәбез, Александр Комаров хәрби операциягә үзе теләп киткән иде. Аның быел февраль аенда хәбәрсез югалуы билгеле булды. Соңрак ир-атның Угледар шәһәре янында һәлак булуы ачыкланды.

Александр Комаров НТР телеканалында 2010 елда корреспондент булып эшли башлый. Соңгы елларда ул әлеге каналда программалар җитештерү бүлеген җитәкләде.