2 майда Татарстанда яшенле яңгыр явачак

2 майда Татарстан җирлегендә болытлы, яңгырлы көн көтелә. Урыны белән яшен. Бу, беренче чиратта, көнбатыш районнарга кагыла.

Татарстанның гидрометеорология идарәсе синоптиклары алдагы төндә Республикада һава температурасы +11..+16 градуска кадәр җитәчәк дип фаразлый. Көндез һаваның максималь температурасы +14..+19 градус тәшкил итәчәк. Ә көнчыгышта бу сан +23..+28 градус булачак.

Казанда төнлә +12..+14 градус булачак. Көндез Республика башкаласында һава +14..+18 градуска кадәр җылыначак.

Фото: chudo-prirody.com