Һәлак дип игълан ителгән мобилизацияләнгән татарстанлы гаиләсенә исән-сау әйләнеп кайта

Һәлак булган дип игълан ителгән мобилизацияләнгән татарстанлы үз йортына исән-сау әйләнеп кайта. Бу хакта "Новости Заинска" басмасы хәбәр итә. 

Суык-Чишмә авылыннан мобилизацияләнгән Рәйханны үлгән дип дөрес булмаган мәгълүмат таралган булган. Әлеге хәбәрне алар Зәй районындагы бер пабликта күреп алалар. Анда махсус операция барышында һәлак булган якташларының фотолары урнаштырылган булган. Араларында ялгыш кына Рәйхан да эләгә.

-Кайтуын бик көттем улымның. Мин аны ялгызым гына үстердем. Начар хәбәрләр дә килде. Аларны ишетүе бик авыр булды. Җае булганда сөйләшеп тордык улым белән. Шалтыратуын көтеп телефонымны гел үзем белән йөрттем, - ди әнисе. 

Фото: zainsk-inform.ru