Казанның Совет районының кайбер йортлары бер тәүлеккә сусыз калачак

Казанның Совет районына караган кайбер йортларда бер тәүлеккә суны сүндерәчәкләр. Ул 10-11 май көннәрендә иртәнге 9дан кичке 9га кадәр булмаячак. Бу турыда «Водоканал» МУП матбугат үзәгендә әйттеләр.

Су түбәндәге адреслар буенча булмаячак:

⁃ Академик Сахаров урамындагы 13, 15, 17, 19, 29, 31, 13а,Б,в,г, 17а, 19а, 31Б,в,г,д, 31/1 нче номерлы йортларда;
⁃ Зәкиев урамындагы 17, 17а, 39 нчы номерлы йортларда.

Моның сәбәбе - метро төзелешендә кулланган су торбаларын алыштыру.

Су китерүгә гаризаларны +7(843)231-62-60 телефон номеры буенча калдырып була.

Фото: ТНВ