Татарстанда берьюлы ике шторм кисәтүе гамәлдә!

Бүгеннән Татарстанда берьюлы ике шторм кисәтүе хакында игълан ителде. Аларның берсе Республикада иртәгә төнлә кырау төшү һәм җирнең -2 градуска кадәр суынуына бәйле. Икенчесен без яшәгән җирлектә һаман да янгын чыгу куркынычы югары булганга керттеләр. Әлеге яңалык Татарстанның гидрометеорология идарәсеннән килеп иреште.

Иртәгә Республикада төнлә һава температурасы +2..+7 градуска кадәр җитәчәк дип фаразлый синоптиклар. Кайбер районнарда исә 0..-2 градус та көтелә.

Янгынга бәйле шторм кисәтүе 19 майга кадәр гамәлдә булачак. Көнчыгыш районнарда ут чыгу куркынычы югары дип исәпләнсә, Республиканың кайбер урыннарында ул гадәттән тыш югары итеп билгеләнгән.

Фото: pxhere