Бүген 175 нче гимназиядә булган коточкыч фаҗигага 2 ел

Бүген Казанның 175 нче гимназиясендә булган коточкыч фаҗигага 2 ел. Ул 2021 елның 11 маенда булган иде. Шушы көнне Илназ Галәвиев, мәктәпкә кереп, 9 кешене атып үтерде.

Белем йортында иртән матәм митингы узды. Хәтер бакчасында һәлак булган укучыларны, укытучыларны искә алдылар. Әлеге куркыныч фаҗигада 9 кешенең гомере өзелә. 2 укытучы, 7 бала атып үтерелә. Барлыгы 23 кеше төрле дәрәҗәдәге җәрәхәтләр алды. Зыян күрүчеләр саны 600дән артты.

Исегезгә төшерәбез, быел 13 апрельдә суд Илназ Галәвиевне гомерлеккә ирегеннән мәхрүм итте.