16 майда Татарстанда яшенле яңгыр явачак

16 майда Татарстан җирлегендә болытлы көн көтелә. Урыны белән яңгыр явып үтәчәк. Көндез һәм төнлә аерым районнарда яшен яшьниячәк.

Татарстанның гидрометеорология идарәсе синоптиклары алдагы төндә Республикада һава температурасы +5..+10 градуска кадәр җитәчәк дип фаразлый. Көндез һаваның максималь температурасы +19..+24 градус тәшкил итәчәк.

Казанда төнлә +8..+10 градус булачак. Көндез Республика башкаласында һава +22..+24 градуска кадәр җылыначак.

Фото: chudo-prirody.com