Татарстан елгаларындагы суның чисталыгын экологлар яңартылган суднода тикшерә башлады

Татарстан елгаларындагы суның чисталыгын бүгеннән экологлар яңартылган суднода тикшерә башлады. Ул "Фламинго" дип атала.

Россиядә хәзер шундый 20 көймә бар. Алар барысы да төрле сулыкларда фәнни тикшерүләр алып барыр өчен җиһазландырылган. Татарстанда эшлиячәк судноны Санкт-Петербург белгечләре бер ел дәвамында яңарткан. Хәзер аның эчендә төрле күрсәткечләрне анализлау үзәге бар, химия лабораториясе урнаштырылган.

Яңа "Фламингоның" тәүге сәфәрендә Рүзәл Шәрипов та булып кайтты.