Казанда ике көнгә электр самокатлары һәм велосипедларында йөрү чикләнәчәк

Казанда кикшеринг компанияләренең электр самокатлары һәм велосипедлары парковкасын һәм хәрәкәтен тыячаклар. Чикләү 18 һәм 19 майда – «Россия – Ислам дөньясы: KazanForum 2023» XIV халыкара икътисадый форум уздырылган көннәрдә гамәлдә булачак.

Тыю Россия Эчке эшләр министрлыгының Казан буенча идарәсе тәкъдиме буенча кертелә. Ул форум уздырылачак урыннарга кагылачак.

Исегезгә төшерәбез, бүген «Казан» агросәнәгать паркында Russia HALAL market хәләл азык-төлек күргәзмәсе ачылды.

Фото: ТНВ