Хәләл бизнеста - гүзәл затлар: KazanForum 2023

Мөслимә - ул бүген гаилә учагын саклап, балалар үстереп, плитә янында торучы хуҗабикә генә түгел. Алар бизнес хуҗасы да. Әйтик, Казанфорумга килүче ханымнар гаджетлар җитештерә, шәхси мәктәп-балалар бакчалары ача, җитәкче урыннарда эшли.

Болар хакында форумда беренче тапкыр оештырылган “Хатын-кызлар очрашулары”нда сөйләштеләр. Аны үткәрергә Татарстан Дәүләт Советының хатын-кыз депутатлары - “Мәрхәмәт” берләшмәсе тәкдим иткән була. Туташ-ханымнарны сәламләргә Рөстәм Миңнеханов белән Марат Хөснуллин да килде.