Бүгенге көндә республикада 18 бала хәбәрсез югалган булып санала

Бүген - халыкара югалган балалар көне. Татарстанда полициягә, югалган якыннарыбызны табыгыз дип, ел саен дүрт меңнән артык кеше мөрәҗәгать итә. Чиреге - балаларын эзләүне сорап.

Хәзер республикада 18 балигъ булмаган кеше хәбәрсез югалган булып санала. Хәтта 90нчы елдан бирле эзләнүчеләр бар. 14 очрак буенча җинаять эше ачылган. Аларның барысы да җинаять корбаны булырга мөмкин.

Кичә бу хакта журналистларга хокук саклау органнары вәкилләре сөйләде .Балалар кая китә соң? Бу сорауга җавапны Алия Хәйретдинова эзләде.