Татарстанда сабыйларга нинди исемнәр кушканнар? Итальян, Иоанна һәм Бәхтияр

Узган атнада, 22 майдан 28 майга кадәр, Гражданлык хәле актларын теркәү идарәсенең Казан бүлекләрендә 345 бала - 185 малай һәм 160 кыз тууы теркәлгән. Шул ук вакыт аралыгында 152 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 600 грамм авырлыкта туган, ә иң зурысы 4660 килограмм тәшкил иткән.

Атнаның иң популяр исемнәре арасында Эмиль, Самир, Михаил, Платон, Динә, Сәйдә, Асия һәм Мәрьям. Иң сирәк исемнәр - Итальян, Нурлан, Бәхтияр, Савва, Әнисә, Риниза, Риналия һәм Иоанна.

Фото: pixabay