Татарстанда яшәүче 41 яшьлек ир-ат күпфатирлы йортта янгында һәлак булган

Бүген иртән Бөгелмәнең Подгорная урамындагы 16 нчы йортта 41 яшьлек ир-ат янгында янып үлгән, дип хәбәр итә Татарстан Гадәттән тыш хәлләр министрлыгының матбугат хезмәте.

Янгын сүндерүчеләр килгәнче 11 кеше үзләре эвакуацияләнгән. Үлгән кешенең гәүдәсе янгын сүндерү вакытында табылган.

Янгынның мәйданы 50 квадрат метр тәшкил итә. Беренчел сәбәбе - тәмәке тарткан вакытта саксыз эш итү.

Фото: МЧС