Татарстанда сабыйларга нинди исемнәр кушканнар? Марфа, Божена, Кирьян һәм Нәзир

Узган атнада, 29 майдан 4 июньгә кадәр, Гражданлык хәле актларын теркәү идарәсенең Казан бүлекләрендә 335 бала - 185 малай һәм 150 кыз тууы теркәлгән. Шул ук вакыт аралыгында 152 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 600 грамм авырлыкта туган, ә иң зурысы 4790 килограмм тәшкил иткән.

Атнаның иң популяр исемнәре арасында
Марк, Аяз, Әскәр, Адель, София, Арина, Ева, һәм Мия. Иң сирәк исемнәр - Авраам, Энгель, Кирьян, Нәзир, Божена, Юстина, Марфа һәм Вилена.

Фото: pixabay