9 июньдә Татарстанда урыны белән боз яварга мөмкин

9 июньдә Татарстан җирлегендә болытлы көн көтелә. Көндез урыны белән яңгыр яву ихтималы саклана. Шулай ук кайбер районнарда яшен яшьнәргә, боз да яварга мөмкин.

Татарстанның гидрометеорология идарәсе синоптиклары алдагы төндә Республикада һава температурасы +4..+9 градуска кадәр җитәчәк дип фаразлый. Көндез һаваның максималь температурасы +19..+24 градус тәшкил итәчәк.

Казанда төнлә +7..+9 градус көтелә. Көндез Республика башкаласында һава +20..+22 градуска кадәр җылыначак.

Фото: koshka.top