Татарстанның бокс буенча җыелмасы әгъзасы Казанда җәяүлене бәрдереп үтергән

Татарстанның бокс буенча җыелмасы катнашучысы 18 яшьлек студент Mercedes машинасында җәяүлене бәрдереп үтергән. Бу хәл башкаланың Сул як Болак урамында килеп чыга. Моның хакта Mash Iptash телеграм-каналы мөхәррирләре яза.

Беренчел мәгълүмат буенча, бәрдерелгән кеше юлны узганда, кагыйдәләрне бозган: светофорның кызыл төсенә чыккан. Моңа өстәп, рульдәге студент юлда кара BMW машинасы белән узышкан.

Бу хәлне видеога төшереп алганнар. Социаль челтәрләрдәге кадрлардан күренгәнчә, бәрелү бик көчле булган: җәяүле автомобильнең тәрәзәсен башы белән ваткан. Әлеге хәл буенча рәсми мәгълүматлар юк.



Фото: скриншот видео