Чүпрәледә махсус операция зонасыннан ялга кайткан хәрби өйләнгән!

Чүпрәле районында махсус хәрби операциядә катнашучы Динар һәм аның сөйгәне Снежана мәхәббәтләрен рәсми рәвештә теркәде. Бу хакта Чүпрәле районының «Туган як» басмасы яза.

Динар бүгенге көндә 2 атналык ялда. Кияү 2022 елның көзендә өлешчә мобилизация кысаларында хәрби хезмәткә чакырыла. Менә яшьләр хыялларын тормышка да ашырдылар.

Яшьләрнең никахлашу тантанасына Чүпрәле районы башлыгы Марат Гафаров чакырулы иде. Ул яшьләргә изге теләкләрен теләгән. Төп гаилә документын һәм бүләкләр тапшырган.

Фото: "Туган як"