Махсус хәрби операциядә Бөгелмәдән 47 яшьлек Сергей Соловьев һәлак булган

20 майда махсус хәрби операциядә Бөгелмә районыннан 47 яшьлек Сергей Соловьев һәлак булган. Бүген аны җирләделәр. Бу хакта «Бугульминская газета» яза.

Сергей Соловьев 1976 елның 3 мартында туа. Быел гыйнварда ул, контракт төзеп, хәрби операциягә китә. Ир-атның ике улы ятим калды.

Кече сержант Сергей Соловьев белән хушлашу бүген Кече Бөгелмә авылында узды. Мәрхүмнең гаиләсенә сабырлыклар телибез, тирән кайгысын уртаклашабыз.

Фото: bugulma-tatarstan.ru