Түбән Камада 12 яшьлек баланы 19 яшьлек машина йөртүчесе бәрдергән

Түбән Каманың Тынычлык проспектындагы 105 нче йорт каршында 12 яшьлек кызны 19 яшьлек машина йөртүчесе бәрдергән. Бу хакта РФ Эчке эшләр министрлыгының Түбән Кама районы буенча ЮХИДИ бүлегенә таянып районның «Татар лайф» басмасы яза.

Әлеге хәл кичке җиденче яртыда булган. «Шевроле Авео» автомобиленең 19 яшьлек йөртүчесе, Тынычлык проспекты буенча Корабельная урамы ягына барганда, парковкага куелган автомобиль артыннан юлга йөгереп чыккан кызны бәрдерә.

Нәтиҗәдә, баланың аягы җәрәхәтләнә һәм аны хастаханәгә алып китәләр. Анда тиешле ярдәм алгач, кыз өенә кайткан.