Түбән Кама белән Казан арасын бер сәгатькә тизрәк үтеп булачак

Киләсе елдан Түбән Кама белән Казан арасын бер сәгатькә тизрәк үтеп булачак.

Республикада Чаллы белән Түбән Каманы урап узачак юл - М7 трассасының яңа участогы төзелә. М12 тиз йөрешле трассадан кала, ул - Республикада тормышка ашырылучы икенче зур Федераль проект.

Объектның иң зур корылмасы - Чулман елгасы аша салына торган күпер. Төзүчеләр безне андагы эш барышы белән таныштырды. Рүзәл Шәрипов репортажы.