Салкын җәй: Татарстанда +3 градуска кадәр суытачак

22 июньдә Татарстан җирлегендә кабат салкын, яңгырлы һәм җилле булачак. Төньяк-көнбатыштан исүче җилнең тизлеге 14 м/с җитәчәк.

Татарстанның гидрометеорология идарәсе синоптиклары алдагы төндә Республикада һава температурасы +3..+8 градуска кадәр җитәчәк дип фаразлый. Көндез һаваның максималь температурасы +13..+18 градус тәшкил итәчәк.

Казанда төнлә +6..+8 градус көтелә. Көндез Республика башкаласында һава +15..+17 градуска кадәр җылыначак.

Фото: koshka.top