Татарстанда яңа эш атнасы кайбер районнарга яшенле яңгыр китерәчәк

26 июньдә Татарстан җирлегендә болытлы көн булачак. Урыны белән вак яңгыр явып үтәчәк, кайбер якларда ул яшенле булыр дип көтелә.

Татарстанның гидрометеорология идарәсе синоптиклары алдагы төндә Республикада һава температурасы +8..+13 градуска кадәр җитәчәк дип фаразлый. Көндез һаваның максималь температурасы +19..+24 градус тәшкил итәчәк.

Казанда төнлә +11..+13 градус көтелә. Көндез Республика башкаласында һава +21..+23 градуска кадәр җылыначак.

Фото: koshka.top