Татарстанда 5 көн элек югалган 23 яшьлек балыкчыны тапканнар

Татарстанда берничә көн элек югалган балыкчы - 23 яшьлек Азат Солтановны тапканнар. Ул исән-сау. Бу хакта Республиканың «Лиза Алерт» волонтерлар отрядының рәсми төркемендә билгеле булды.

Исегезгә төшерәбез, 20 июньдә Татарстанда Ютазы районы егете - 23 яшьлек Азат Солтанов югалган иде. Ул балык тотарга киткән җиреннән өенә кире кайтмаган.

Соңрак Яр Чаллы янында егетнең «Лада Гранта» машинасы табыла, автомобильнең бәрелгән урыннары була.

Ә берничә көн элек Азатның хатынына аның исеменнән сәер эчтәлекле хатлар килә башлаган иде.

Фото: Mash