Айның соңгы көнендә Татарстанда көчле җил исәчәк

30 июнь Татарстанда аязучан болытлы һава торышы булачак. Урыны белән яңгыр яву ихтималы бар. Кайбер районнарда көндез яшен яшьнәячәк. Җил 15-20 м/с җитәчәк.

Татарстанның гидрометеорология идарәсе синоптиклары алдагы төндә Республикада һава температурасы +12.+17 градуска кадәр җитәчәк дип фаразлый. Көндез һаваның максималь температурасы +24.+29 градус тәшкил итәчәк.

Казанда төнлә +15.+17 градус көтелә. Көндез Республика башкаласында һава +27.+29 градуска кадәр җылыначак.

Фото: chudo-prirody.com

Автор: Ләйлә Шиһабетдинова