Теләче районының Әбде авылы җирлегендә 270 оя бал кортлары үлгән

Теләче районының Әбде авылы җирлегендә 270 оя бал кортлары үлгән. Бу район өчен генә түгел, соңгы елларда Республика өчен дә бик зур сан.

«Алар атна дәвамында кырылды, әле дә дәвам итә. Мондый хәлне беренче тапкыр күрүебез» — ди умартачылар. Дистәләп хуҗалыкка зыян килгән. Кемнәрнеңдер 5, ә кайберәүләрнең 90 оя бал кортлары юкка чыккан. Аяныч хәлнең сәбәбе — басудагы рапсны агулау, дип саный халык. Районда комиссия төзелгән. Экспертиза нәтиҗәсен көтәләр.

Умартачыларга салынган зыянны кем каплаячак? Сорауга Рания Абдрахманова җавап эзләде.