Мамадышның Питрау бәйрәмендә Салават Фәтхетдинов чыгыш ясаячак

Питрау — керәшен татарларының яраткан бәйрәмнәренең берсе. Быел ул Республикада 25 нче тапкыр узачак. Моңа бәйле төрле районнарда бай мәдәни программа әзерләнә. Мәсәлән, Мамадыш районында бу бәйрәмдә Татарстанның халык артисты Салават Фәтхетдинов чыгыш ясаячак. Бу турыда районның «Нократ» газетасы яза.

Бәйрәм чаралары Республика буенча 15 июль — шимбә көнне уза.

«Турлау» мәйданында 10лап сәхнә, төрле остаханәләр эшләячәк. Бәйрәм кунакларын җирле коллективлар да, Республика артистлары да котлаячак.

Фото: Болгар радиосы