Казанның Мәскәү районындагы бер урамында 3 атнага хәрәкәт чикләнәчәк

Иртәгәдән башлап, Казанның Мәскәү районындагы Городская урамы буенча хәрәкәт 3 атнага чикләнәчәк. Бу участокта капиталь төзекләндерү эшләре бара. Моның турыда Казан мэриясенең матбугат хезмәте кисәтә.

Чикләүләр 3 августка кадәр Городская урамыннан 5 В номерлы бинага кадәрге участокта гамәлдә булачак.

Шулай ук бер көнгә, 15-16 июльдә, Городская урамындагы 5 В номерлы бинадан алып Восстание урамындагы 60 нчы йортка кадәрге участоктагы юл өлеше дә ябылып торачак.

Фото: ТНВ