"Алабуга" махсус икътисадый зонасында яңа завод ачылды

Кичә «Алабуга» махсус икътисадый зонасында Соллерс компаниясенең яңа заводы ачылды. Бу федераль дәрәҗәдәге вакыйга.

Беренчедән, ул Россиянең машина төзелеше тармагын үзебезнең дизель двигательләре белән тәэмин итәчәк. Икенчедән, иң мөһим эш юнәлешләрен бер урында тупларга мөмкинлек бирә. Ачылыш тантанасында онлайн рәвештә Россия Премьер-министры Михаил Мишустин белән Рөстәм Миңнеханов катнашты.

Алар эшлекле сәфәр белән Екатеринбург шәһәрендә иде. Монда Иннопром халыкара сәнәгать күргәзмәсе ачылды.