Татарстанда урманга җиләк җыярга чыгып киткән ике хатын-кыз югалган

Алабуга районының Танай урманында җиләк җыйган ике хатын-кыз югалган. Коткаручылар аларны таба. Бу хакта Татарстанның Гадәттән тыш хәлләр министрлыгының матбугат хезмәте хәбәр итте.

Югалгач, хатын-кызлар коткару номеры буенча шалтыратып, үзләренең адашуын әйткән. Аларның телефоннарында зарядка да бик аз калган була. Моңа өстәп, ул көнне көчле җил исә һәм яңгыр ява.

Коткаручылар җиләкчеләрне машиналарын калдырган урыннан 1,5 километр ераклыкта таба.

Фото: t.me/mchs_tatarstan