Татарстанда кайбер яшелчәләрнең бәясе төшкән

Татарстанда бер атна эчендә, 3-10 июльдә, кайбер яшелчәләрнең бәяләре төшкән. Бу хактагы мәгълүмат белән Татарстанстат порталы уртаклашты.

Бер атнада суганның бер килограммы 61 сумнан 58 сумга кадәр төшкән. Шулай ук чөгендер һәм кишернең бәясе 47 һәм 65 сумга кадәр кимегән. Ә менә бәрәңге һәм кәбестәнең бәясе 44 һәм 53 сумга кадәр арткан.

Ярмалар бәясе арасында да үзгәрешләр бар. Карабодай арзанайган – хәзер аның бер килограммы 59 сум тора. Тары ярмасының бәясе – 42 сумга, дөге исә 93,5 сумга кадәр төшкән.

Фото: pxhere.com