Синоптиклар атна башында татарстанлыларга нәрсәгә әзерләнергә кирәклеген әйтте

Дүшәмбе, 17 июльдә, Татарстанда яшәүчеләргә кулчатырлар кирәк булачак, чөнки кайбер урыннарда яңгырлар, аерым районнарда яшенле яңгырлар узачак. Бу хакта ТР Гидрометүзәге хәбәр итә.

Синоптиклар фаразлавынча, төнлә ТРда һава температурасы +12..+17 градуска кадәр төшәчәк. Көндез һаваның максималь температурасы +20..+25 градус тәшкил итәчәк.

Казанда төнлә +15..+17 градуска кадәр суытачак. Көндез Татарстан башкаласында һава +23..+25 градуска кадәр җылыначак.

Фото: animals.pibig.info