Махсус хәрби операция барышында Минзәләдән Евгений Касаткин һәлак булган

Украинадагы махсус хәрби операция барышында Татарстанның Минзәлә районында туган 33 яшьлек Евгений Касаткин батырларча һәлак булды. Бу хакта "Минзәлә" район басмасы хәбәр итә.

Евгений Касаткин 1989 елда Иске Матвеевка авылында туган. 2007 елның декабрендә РФ Кораллы Көчләре сафларына чакырыла. Татарстанлы кайнар нокталарда элемтәче булып хезмәт итте. 2,5 ел контракт буенча Чечняда хезмәт итә.

Хәрби, үлгәннән соң, Батырлык ордены белән бүләкләнә. Бүләкне сугышчының әнисенә тапшырдылар.

Фото: menzela.ru