Кеше үлеменә китергән давылның кайчан кабатлана алуын әйттеләр

Татарстан Гидрометүзәге башлыгы Феликс Гоголь республика территориясендә җил, яшен һәм боз көчәюнең кабатлануы ихтималлыгы турында сөйләде. Исегезгә төшерәбез, 29 июль Идел буе төбәкләрендә чыккан давыл 9 татарстанлының гомерен өзде.

«Алдагы көннәрдә мондый куркыныч күренешләр көтелми, әмма август аенда, әгәр артык җылы һава массаларына салкын һава килсә, бик мөмкин», — дип Феликс Гоголь сүзләрен «Татар-информ»җиткерә.

Гоголь билгеләп үткәнчә, узган шимбәдә булган һәлакәткә атмосфера фронтлары бәрелешү сәбәпче булган.

Фото: ТНВ