М-12 тиз йөрешле трассасы елганың ике ярын тоташтырды - видео

М-12 тиз йөрешле трассасының әһәмиятле объекты - Идел аша күпер төзелешендә мөһим вакыйга булды. Кичә елганың ике ярын тоташтырдылар. Югары Ослан белән Лаеш районнары арасында төзелүче күпер аша хәзер җәяү чыгарга мөмкин. Ярларны тоташтыру тантанасында Татарстан Рәисе Рөстәм Миңнеханов катнашты.

Видеоэлемтә аша төзүчеләрне Россия Хөкүмәте Рәисе урынбасары Марат Хөснуллин, транспорт министры Виталий Савельевлар котлады. Күпер планнан иртәрәк, бер айга алданрак тоташа. Бу - төзүчеләр көненә зур бүләк, диләр. Гөлназ Сәйфетдинова репортажы.