Казанның Побежимов урамында яшәүчеләргә йөзәр мең сумлык исәп-хисап счеты җибәргәннәр

Казанның Побежимов урамындагы 53нче йортта яшәүчеләргә йөзәр мең сумлык исәп-хисап счеты җибәргәннәр. Аларга янәсе июль ае өчен шуның кадәр түлисе. 10, 20, 30 мең бурычы булучылар да бар, әмма 100 меңне тәүге тапкыр алалар.

Халык, йортка хезмәт күрсәтүче идарәче оешмага да барып караган. Анда квитанцияләрдә күрсәтелгәнчә түләгез, дигәннәр. Аннары яңа түләү кәгазьләре җибәрергә вәгдә иткәннәр. Бүген дүртенче көннәре. Хәбәрләре генә юк, диләр.

Мәсьәләгә Рүзәл Шәрипов ачыклык кертергә тырышты.