Әтнә районында янгында 50 яшьлек ир-ат тән җәрәхәтләре алган

Бүген төнлә Татарстанның Әтнә районы Түбән Бәрәскә авылында Казаклар урамындагы 3 нче йортта янгын чыгу нәтиҗәсендә 50 яшьлек ир-ат көчле тән җәрәхәтләре алды, дип хәбәр итә ТР Гадәттән тыш хәлләр министрлыгының матбугат хезмәте.

Ведомство мәгълүматлары буенча, 130 «квадрат» мәйданда шәхси торак йорт һәм сарай янган. Янгынның беренчел сәбәбе — монтажлау һәм электр җиһазларын куллануда янгын куркынычсызлыгы кагыйдәләрен бозу.

Фото: пресс-служба МЧС РТ