Җәй кайтавазы: Иртәгә Татарстанда +26 градус җылы булачак

Иртәгә, 6 сентябрьдә, Татарстанда кыска вакытлы яңгырлар көтелә, урыны белән күк күкрәвен ишетеп булачак. Җил тизлеге 15-16 м/с җитәчәк.

Татарстанның гидрометеорология идарәсе синоптиклары алдагы төндә Республикада һава температурасы +6..+11 градуска кадәр җитәчәк дип фаразлый. Көндез һаваның максималь температурасы +21..+26 градус тәшкил итәчәк.

Казанда төнлә +12..+14 градус көтелә. Көндез Республика башкаласында һава +23..+25 градуска кадәр җылыначак.

Фото: pxhere.com