7 сентябрьдә һава торышы кискен үзгәрәчәк

Иртәгә, 7 сентябрьдә, Татарстанда һава торышы үзгәрешләр кичерәчәк - суытачак, яңгырлар явып узачак. Җил тизлеге 15-18 м/с җитәчәк.

Татарстанның гидрометеорология идарәсе синоптиклары алдагы төндә Республикада һава температурасы +9..+14 градуска кадәр җитәчәк дип фаразлый. Көндез һаваның максималь температурасы +13..+18 градус тәшкил итәчәк.

Казанда төнлә +11..+13 градус көтелә. Көндез Республика башкаласында һава +13..+15 градуска кадәр җылыначак.

Фото: pxhere.com