Киләсе тәүлектә Татарстанда +3 градуска кадәр суытачак

Иртәгә, 8 сентябрьдә, Татарстанда урыны белән яңгырлар явачак. Җил тизлеге 14 м/с җитәчәк.

Татарстанның гидрометеорология идарәсе синоптиклары алдагы төндә Республикада һава температурасы +3..+8 градуска кадәр җитәчәк дип фаразлый. Көндез һаваның максималь температурасы +12..+17 градус тәшкил итәчәк.

Казанда төнлә +6..+8 градус көтелә. Көндез Республика башкаласында һава +13..+15 градуска кадәр җылыначак.

Фото: pxhere.com