Татарстанда 2024 елга расланган яшәү минимумы күләме билгеле булды

ТР Министрлар Кабинеты 2024 елга яшәү минимумы күләмен раслады. Тиешле карарга республика премьер-министры Алексей Песошин кул куйды, дип яза башкала мэриясенең матбугат хезмәте.

«2024 елга Татарстан Республикасында җан башына исәпләгәндә яшәү минимумы күләмен — 12 966 сум, эшкә яраклы халык өчен — 14 133 сум, пенсионерлар өчен — 11 151 сум, балалар өчен 12 577 сум күләмендә расларга», — диелә документ текстында.

Быел ТРда җан башына исәпләгәндә яшәү минимумы 12 219 сум тәшкил итә.

Фото: pxhere.com