Ни өчен оешмалар билгеләнгән вакытка капиталь ремонт эшләрен тәмамлый алмый?

Капиталь ремонт эшләрен инде ике ай элек үк тәмамларга тиеш булганнар. Тик эшчеләр вәгъдә ителгән вакытка җитешми. Сүз Азнакай шәһәренең Болгар һәм Нефтьчеләр урамындагы күпкатлы йортлары турында.

Республикада берничә объектның вакытында тапшырылмавын узган атнада Рөстәм Миңнехановка да җиткерделәр. Исемлектә Азнакайдагы өйләрдән тыш, Казанда да 4 йорт барлыгы ачыклана.

Хәзер инде аларда эшне тәмамлаганнар. Тик Азнакай халкын төзелештән калган чүп-чарларны һаман да җыймаулары борчый. Ни өчен оешмалар билгеләнгән вакытка сыешмаган? Әдилә Закирова белеште.