Чечняда хезмәт иткән татарстанлы Илһам Ибраһимов махсус операция зонасында һәлак була

Украинада махсус хәрби операция зонасында Татарстанның Буа районында туган, Чечняда хезмәт иткән Илһам Ибраһимов батырларча һәлак булды. Бу хакта район «Байрак» басмасы хәбәр итә.

Махсус хәрби операция башлангач, Илһам Ибраһимов контракт төзи һәм «кайнар ноктага» китә. Контракт вакыты тәмамланганнан соң туганнары янына Буа районының Карлы авылына кайта.

Берникадәр вакыттан соң татарстанлы кабат контракт төзи, ләкин махсус операция зонасыннан исән-сау әйләнеп кайта алмый. Илһам Ибраһимов белән аның туган авылында хушлаштылар.

Фото: buinsk-tat.ru