Иртәгә Татарстанда яңгырлар явачак

5 октябрьдә Татарстанда аязучан болытлы, урыны белән яңгырлы көн көтелә. Җил тизлеге 14 м/с кадәр җитәчәк.

Татарстанның гидрометеорология идарәсе синоптиклары алдагы төндә республикада һава температурасы +6..+11 градуска кадәр төшәчәк, дип фаразлый. Көндез һаваның максималь температурасы +14..+19 градус тәшкил итәчәк.

Казанда каршы төнлә +9..+11 градуска кадәр салкын булачак. Көндез Республика башкаласында һава +16..+18 градуска кадәр җылыначак.

Фото: ru.freepik.com