Һава торышы үзгәрә: Синоптиклар кар явачагы турында кисәтте

Татарстанга һава шартларының шактый начарлануы көтелә. Бу 7-10 октябрьдә булачак һәм Россиянең Европа территориясенә актив төньяк атлантик циклоннарның якынлашуы белән бәйле. Бу хакта УГМС РТ идарәсендә кисәттеләр.

7, 8 һәм 9 октябрьдә Татарстанда болытлы, яңгырлы һава торышы өстенлек итәчәк, аерым районнарда юеш кар булырга мөмкин. Җил урыны белән 24 м/с кадәр җитәчәк.

Температура төшәчәк: 7 октябрьдә төнлә +4.+9 градус, көндез +9.+14 градус; 8 һәм 9 октябрьдә төнлә +1.+5 градуска кадәр, 8 октябрьдә көндез +6.+11 градус, 9 октябрьдә + 3.+ 8 градустан югары булмаячак.

Сишәмбе, 10 октябрьдә төнлә +2дән -1 градуска кадәр, көндез +3.+8 градуска кадәр салкын һава торышы сакланачак, аерым районнарда явым-төшем булачак.

Фото: ru.freepik.com

Сезгә ТНВ Татарча YouTube каналында чыккан «Ә син.?» тапшыруын тәкъдим итәбез. Алып баручы Әбри Хәбриев кунагыбыз Гөлназ Асаевага кызыклы һәм көтелмәгән сораулар бирә! Шаяру катыш җитди темаларга сөйләшү булды! Рәхим итеп карагыз.