Татарстанда әбиләр чуагы кабат булачакмы? Галим фаразы

КФУ доценты Тимур Әүһәдиев Татарстанда әбиләр чуагының икенче дулкыны көтелмәгәнен әйтә. Бу көннәр кыскаруы белән бәйле.

«Хәтта болытсыз һава торышы урнашкан очракта да, кояш нурлары температура фонын +15 градуска һәм аннан да югарырак җылыта алмаячак», — дип билгеләп үтте галим.

Әүһәдиев октябрьнең беренче декадасында температура нормадан 2,5 градуска югарырак (норма 7,5 булганда якынча 10 градус) булды дип өстәде. Октябрьнең икенче декадасы температура буенча климат нормасына якын дип фаразлана (октябрьнең икенче декадасы нормасы 5,6 градус).