Канализация суын авыл янындагы агачлыкка илтеп агызалар - видео

Биектау районының Чыпчык авылында йортлардан юынтык суларны суыртып алганнар да шунда түккәннәр. Коммуналь оешмага караган автоцистерна көн саен шулай дистәләгән рейс ясый, ди халык.

Алар моны телефонга төшереп ала һәм видеоны Экология министрлыгына юллый. Инспекторлар әйләнә-тирәгә зыян килүен ачыклаган. Юынтык су түгү белән килеп чыккан хәл берничә проблеманы ачып салды. Теманы Фәйрүзә Мәҗитова дәвам итә.